Bílaleyfi í hjólalandi

Vorum loksins að fá leyfi fyrir bílnum. Getum núna ekið um á fína skodanum okkar og gefið ökuföntum fingurinn án þess að hræðast yfirvöld. En svo getum við líka bara keyrt um stæti Köbenhavn og nágrenns og notið útsýnisins. Stefnan er að taka smá rúnt um landið, krúsa kannski til Árósa og eins heimsækja vini í Sverige. Fara á helstu skemmtistaðina as in Legoland og Astrid Lingren-garðana og annað í þeim dúr sem gleður aðallega börn en vonandi líka fullorðna.

Bíllinn hefur svo sem alveg verið í notkun þó að leyfið hafi ekki verið gengið í gegn fyrr en nú. En það er vissulega skemmtilegra og betra í alla staði að vera löglegur á götunum. Svo skilst mér að sektir fyrir að keyra um á leyfislausum bíl séu einhverjir hundraðþúsundkallar svo að já þetta kemur sér vel.

Annars höfum við notið flatlendisins í botn og hjólað heilan helling. Fjárfestum í hjólasæti og hjálmi fyrir Arnar Kára svo að nú getum við farið að krossa um strætin með hele familien. Það er alveg ótrúlega notarlegt og bara gaman að geta hjólað svona fyrir utan náttúrulega hversu heilsusamlegt það er. Svo er hjólamenninin hér líka svo skemmtileg og litrófið af hjólum annar kapitali. Heilu barnahóparnir sitja ýmist í vögnum festum aftan á hjólin eða í svokölluðum Kristjaníuhjólum þar sem auk barnanna, innkaupapokar og gæludýr fá að hossast í vagninum á meðan lærvöðvar hjólreiðamannsins vinna.

Ef það væri hægt að fletja Ísland aðeins út þá væri maður pottþétt búinn að fjárfesta í svona græju. Alveg mögnuð!