hið versta mál

Ég líkt og margir aðrir hef fylgst með fréttum af litlu bresku stúlkunni sem var rænt sofandi af hótelherbergi á meðan foreldrar hennar snæddu kvöldverð á veitingastað hótelsins. Þetta er hið ömurlegasta mál og líklega fleiri en ég sem fá tár í augun við tilhugsunina ef þetta væru okkar eigin örlög. Nú eru liðnar hátt í 2 vikur og portúgalska lögreglan hefur engar vísbendingar og enga slóð. Ótrúlegt ...... barnið er sem sagt horfið og líkurnar líklegast hverfandi að það finnist. Ég hef kíkt inná nokkrar bloggsíður í tengslum við fréttina á mbl vefnum og finnst merkilegt hvað sumir eiga afskaplega erfitt með að setja sig í spor annarra. En það er víst ansi auðvelt að vera vitur og leggja dóma á mál þegar þau eiga við annan en okkur sjálf. Þó fæstir fengjust til að gera það sem þau gerðu þá held ég að óhætt sé að segja að flest okkar hefðu getað verið í þeirra sporum. Líklegast hafa óþokkarnir verið búnir að fylgast með þeim og látið til skara skríða þegar færi gafst og örugglega hefði færi gefist á einhverri sekúndunni hjá flestum - því það þarf víst ekki mikið meira til.......
Lexíur eru misdýrkeyptar og þetta fólk greiddi örugglega hæstu mögulegustu upphæð fyrir. Við hin lærum og greiðum ekki aur eins kaldhæðið og það nú er.

Ég óska þess svo innilega að þau fái endurgreitt..............