Aldur er afstæður

Tíminn flýgur og ekkert segir manni það betur en ungviðið. Litla barnið mitt er að verða 3 ára í sumar. Einhvern veginn finnst mér 2.ára vera dáldið mikið smábarn en 3.ára...... þá er maður officially orðinn krakki. Svo er líka hitt litla barnið mitt sem fæddist í gær að verða 1.árs.
Já hérna hér.....
Ekki nóg með að börnin mín vaxi ansi hratt úr grasi heldur er litla systir mín að fara að taka bílprófið í sumar. Er ekki viss um að unglingurinn sé spenntur yfir því að flokkast til ungviðs eins og í þessum pælingum en á sama tíma veit að það er svo sem ekkert litið á gömlu systurna sem unglamb heldur.
Mér fannst það einmitt svona semí fyndið þegar systir mín sem er ekki nema 7 árum yngri en ég fór að tala um "gamla liðið" í bekknum sínum og þegar ég spurði hvað þeir sem tilheyrðu þeim flokki væru í rauninni gamlir þá reyndust þeir vera á mínum aldri.
Hummmm.........

Ég streitist á móti þeirri staðreynd að ég sé að verða gömul enda er 30 ára enginn aldur. En á sama tíma man ég eftir því að hafa verið að uppfarta í afmæli föður míns þegar hann náði þeim

merka áfanga og þá fannst mér foreldrar mínir nokkuð aldraðir.

Ég er algjörlega komin á þá skoðun að tölurnar segja lítið. Það er miklu frekar hvernig maður lítur á hlutina og túlkar þessar tölur.

Hver myndi t.d halda að þessi skvísa væri 68 ára?

Stefni á að verða eins og Tina þegar ég næ þessum aldri.

Ekki spurning. Rokk - amman það er ég.