sunnudagur til sælu

Enn einn sunnudagurinn brátt á enda og ný vika framundan. Hlaupabólurnar 2o sem hafa gert vart við sig virðast ekki ætla að valda miklum usla. Enginn hiti, smá kláði og pirringur en að öðru leyti nokkuð vel sloppið frá þessum annars óskemmtilega gesti. Við höfum tekið upp siði pollýönnu undanfarna daga og fundið fjöldan allan af kostum við að fá hlaupabóluna á þessum aldri en vonum þó að nú fari veikindadögum fækkandi. Engar bólur hafa fundist á litla krílinu en þær geta nú ennþá birst þó þær hafi ekki látið sjá sig fram að þessu.

Vorum annars í skemmtilegu barnaafmæli hjá Almari vini okkar á 5.hæð og hittum þar aðra skemmtilega krakka og fullorðna. Alltaf gaman og bráðnauðsynlegt að komast á góð mannamót.

Valgerður vinkona Bjargar hefur verið gestur á heimilinu undanfarna daga og höldum við uppteknum hætti og fögnum gestum með veikindum á heimilinu. Við Styrmir njótum þó alltaf góðs af því að fá gesti til Bjargar því í kvöld skelltum við okkur á kaffihús og áttum góðar hjónastundir saman, spjall og bjór.
Verður ekki mikið betra.

Annars er amma Dísa væntanleg og hlökkum við mikið til að fá kellu. Lofum veikindalausum dögum og nýrri dýnu ;)