djúsí matur og stuð

Ég er orðin endalaust þreytt á því að elda alltaf sama matinn. Ég á fullan skáp af góðum kokkabókum en einhvern veginn fæ ég mig ekki til þess að prófa nýjar uppskriftir. Þetta lítur allt svo vel á myndunum en þegar ég byrja að renna yfir uppskriftina þá er alltaf eitthvað sem stoppar mig. Við hér á Axel Heides erum að rembast við eitthvað heilsuátak sem segir ekkert nammi og hollur matur og því við hæfi að taka fram bókina hennar Sollu, Grænn kostur Hagkaupa. Ég fletti í gegnum hana og valdi út það sem væri gaman að prófa en .... gerlaus grænmetisteningur, pekanhnetur, kóríander, sellerístilkar, blaðlaukur, rauð chilialdin, mintulauf, cuminfræ, papaja sem dæmi, eru hráefni sem flæða ekkert úr skápunum. Nú höfum við Arnar Kári hins vegar góðan tíma á daginn til að rölta í matvöruverslanir og því eru engar afsakanir teknar gildar.
Sem hvatning til að brydda uppá nýjungum eru laugardagar hér á bæ - exotic dagar í eldamennsku. Þá skiptumst við á að sjá um laugardagsmáltíðina og frumskilyrðið er að enginn á heimilinu hafi fengið réttinn áður. Ég hef verið svo heppinn að vera boðin tvisvar sinnum í geggjaðan mat til Arneyjar uppi á fimmtu hæð og hef svo "stolið" hugmyndunum þegar ég á að sjá um laugardagsmáltíðina og fengið gott hrós fyrir :)

Talandi um mat að þá er Stella mágkona væntanleg til Köben og mér skilst að mamma ætli að fá að lauma eins og einu lambalæri með henni, nammi nammi nammmmm.

Og svo eru Áslaug, Gulli og Hera að koma til okkar næstu helgi og því mikil stemmning á heimilinu.
Lofa djúsí mat og stuði!