vonbrigði og sæla

Íslenskir námsmenn hafa að okkur skilst hingað til fengið leyfi til þess að keyra bíl sinn í eitt ár án þess að greiða gjöld/tolla hér. Við höfum hins vegar fengið synjun á þessu leyfi og nú bíðum við eftir að fá að heyra hvað þeir segja við kærunni. Þ.e hvort að nánari útskýringar og röksemdafærlur okkar dugi til þess að fá þetta leyfi. Við erum reyndar ansi svartsýn því að þeir sáu ástæðu til þess að hafna bráðabirðaleyfi á meðan við bíðum eftir úrskurði kærunnar.
Mjög undarlegt - við erum hreinlega að spá í að senda Jóni Ásgeiri reikning ef að þeir hafna þessu endanlega. Nei andsk... ætli það geti verið að þeir séu virkilega svona pissed út í okkur - en... við erum frændur.

Ég hafði samband við leikskóla-Helle fyrir helgi og fékk að heyra að ástandið hefði ekkert breyst. Birgir Steinn væri enn nr. 15 á biðlista og ekki útséð að það losnaði pláss fyrr en í vor. Þegar ég spurði hana hvort hún væri ekki að meina apríl þá sagði hún að það væri bjartsýni því hún væri meira að tala um kannski maí - júní - júlí og jafnvel ágúst. Bíddu Halló Helle það köllum við sumar og næstum haust. En Helle er öll að vilja gerð og sagðist hafa eitt pláss á leikskóla í öðru hverfi. Við fórum því í leiðangur á föstudaginn og skoðuðum það sem er í boði og ...... æiiiiii ........... ekki urðum við beint heilluð. Þannig að þá er bara aftur á byrjunarreit.
Í gær, á laugardegi, kom svo bréf frá pladsanvisning þar sem stóð að Birgi Steini byðist pláss frá 1.jan á Anne Poulsen börnehave sem er einmitt leikskólinn í hverfinu okkar sem við sóttum um.
Ja hérna - gjörsamlega óskiljanlegt en ótrúlega ánægjulegt og ekki orð um það meir.

Já vonbrigði og sæla það er bara lífið hér eins og annars staðar á hnettinum.