ég hef oft velt því fyrir mér.....

.......... af hverju í ósköpunum læknar þurfi að klæðast spariklæðnaði í vinnunni. Það er algjörlega út í hött að ein stétt spítalans fái að sniðganga reglur sem settar eru með sjúklingana í huga og það stéttin sem sjúklingarnir stóla einna helst á. Ég hef aldrei skilið lafandi hálsfestar, naflasíð bindi, jakkaföt, kjóla, 5cm gervineglur o.s.frv í þessu samhengi. Ekki bara er þetta alvarlegt gagnvart sjúklingunum en að fólk hafa list á því að bera svo alls konur pöddur ef svo má segja inn á heimilið sitt eftir vinnu, það hef ég aldrei skilið. Taka utan um barnið þitt og færa því nokkra vírusa um leið. Eða mæta í afmæli með smá slettu á skónum sem gleymdist að þrífa og guð má vita hvaða vessi var þarna á ferðinni.
Hvað er annars að hvíta dressinu? Það er nú ekki eins og þetta sé einhver tískusýning þó manni hafi í alvörunni stundum haldið að maður væri staddur á einni slíkri en ekki á deildarfundi. Jæja nóg um það - finnst bara allt í lagi að á svona vinnustað séu höfð vinnuföt og ef að hvíta dressið þykir gamaldags og óþægilegt þá þarf að finna lausn á því.
Nú hafa Bretar tekið á vandanum. Ef við þurfum fordæmi þá er það komið og nú er bara að gera hið sama.
Var ekki verið að hrista upp í stjórn spítalanna? Vona að breytingarnar sem muni eiga sér stað í kjölfarið verði sjúklingum (landanum) og starfsfólki til góða.
Held að það vanti einmitt ansi harðann stýrimann á skútuna. Já það þarf að rétta úr mörgum kútum en eitt erfiðasta verkefnið verður líklegast að stýra mafíunni þar sem allir eru Don Vito Corleone.