húsnæðishöfuðverkur

Eftir spjall gærkvöldsins geri ég mér grein fyrir að draumahúsið er ekki alveg handan við hornið. Við Guðrún Birna sátum sitt hvorum megin við Atlantshafið með mbl - fasteignir fyrir framan okkur og skoðuðum það sem gengur kaupum og sölum í dag. Við Styrmir látum okkur dreyma um einbýlishús með stórum garði og palli þar sem hægt er að grilla í góða veðrinu sem við ætlum að flytja með okkur héðan frá Danmörku. Mér varð hins vegar ljóst að það verður einhver bið í pallinn og fína húsið. 4 herbergja íbúðir eru nefnilega að seljast á góðar 40 millur. Já 3 svefnherbergi, eldhús og sturta á 40 millur, úffff veit ekki.
Svo er staðsetningin annar höfuðverkur. Við viljum vera í barnahverfi - með leiksvæði við hendina og stutt í skóla og tómstundir. Ég vil að börnin mín geti gengið á milli skóla, heimilis og tómstunda - ekkert skutl! Svo væri ekki verra ef ömmur, afar og góðir vinir væru í grenndinni.

Hvernig væri að við gerðum bara innrás inná eitthvað grænt svæði og byggðum okkur þar lítið þorp. Okkar eigin ríki með bara eðal fólki - engir óþolandi nágrannar.
Sounds goooood!