Fjölskyldustefna

Í heilsupistli Morgunblaðsins í dag er að finna góða grein eftir verkefnastjóra Lýðheilsustöðvar.
Eins mikil klisja og það er þá er það engin lygi að hamingja verður ekki keypt. Vissulega geta peningar haft áhrif á hamingjuna upp að því marki að hafa ofaní sig og á (og kannski pínu meira) en mikið umfram það held ég geti stundum bara verið til trafala. Peningum fylgir ákveðið vald sem öðrum féminni yfirleitt skortir. Því fyndist manni að þeir fémeiri ættu að geta stýrt því nokkuð vel hvernig tíma þeirra er varið en þannig virðist það nú sjaldnast vera. Því veltir maður fyrir sér hvort (of) mikið af seðlum geri mann kannski bara valdalausan þræl einhvers - fyrirtækis, yfirmanns eða bara peninganna sjálfra.

Burt frá öllum pælingum þá er greinin góð og punchline-ið einmitt það að fólk meti hvernig tímanum með fjölskyldunni sé best varið. Við hjónin höfum margoft rætt þessi mál. Við erum sammála um það að frítíma okkar sé best varið með börnunum - í hvaða formi sem er. Hér í Danmörku eigum við nokkuð auðvelt með að finna þennan góða tíma saman. Við förum oft í göngutúra sem enda í almenningsgörðum á rólóvöllum, á kaffihúsum eða bara heima.
Hvort sem "fjölskyldutíminn" (sjá grein) sé fastur tími í vikunni eða bara þegar hentar þá held ég að aðal málið sé að börnin fái að sjá meira af foreldrunum sínum en við rúmstokkinn á kvöldin.
Okkur hjónunum hefur greint á um einn hlut í tengslum við þetta og það er tíminn sem fer í hluti eins og að þrífa og annað í ætt við það. Styrmi finnst nefnilega að stundum sé betra að borga píparanum og fara í húsdýragarðinn í stað þess að liggja sjálfur undir vaskinum í heilan dag. Mér hefur hins vegar fundist hingað til þessar nokkrar krónur betri í vasanum mínum en píparans.....................

Eins og kemur fram í greininni er athyglisvert að velta því fyrir sér af hverju sá sem leggur metnað sinn og tíma í vinnu sé talinn merkilegri í nútímaþjóðfélagi en sá sem leggur metnaðinn í fjölskylduna.
Hummm - mér finnst þetta alla veganna góð spurning.