Amma Gretan kvödd

Við kvöddum ömmu Gretu fyrir rétt tæpum tveimur tímum síðan og erum farin að sakna hennar alveg svakalega. Það var æði að fá hana og eins og þeir vita sem hana þekkja þá var hún líka afskaplega hjálpleg - alltaf á milljón með ryksugu eða tusku í hendi. Mér fannst nú alveg hrikalegt hvað gesturinn þurfti að vinna mikið fyrir gistingunni en þannig er hún mamma mín bara og ég nýt góðs af því.
Við fórum í heimsókn til Ernu frænku í Svíþjóð í gær og áttum frábæran dag með henni og krílunum hennar tveimur, Smára og Björk. Þau búa í alveg æðislegum bæ rétt fyrir utan Malmö
og hafa það rosalega huggulegt þar. Við Styrmir erum alveg ákveðin að þiggja heimboðið sem fyrst því gestir sem koma þangað og gista fá uppábúið hjónarúm og sér baðherbergi með sturtu og sauna. Alveg geggjað. Svo er garðurinn þeirra líka æði fyrir svona kríli og stutt í innisundlaugaparadís, fyrir utan alveg yndislega gestgjafa. Svo segja þeir að það sé 20% ódýrara að versla í Svíþjóð en Danmörku svo hver veit nema maður geri bara jólainnkaupin í leiðinni ;)
Annars vorum við mamma ansi duglegar í búðunum þessa vikuna. Ég keypti nú ekki mikið og þó..... kláraði nokkrar jólagjafir. Nú haldiði að ég sé gengin af göflunum en þannig er ég líka bara, byrja alltaf á jólagjafainnkaupum í okt og er yfirleitt búin með allar gjafir löngu fyrir jól. Helst svona um miðjan des og stundum fyrr..
Ahaa nú kemst upp um mann -